ဥပေက္ခာပြုခံနှလုံးသား

အရာရာတိုင်းက   စက္ကန့်နဲ့အမျှပြောင်းလဲနေပေမယ့်
အေးစက်ဆဲ   ငါတို့ရဲ့ရင်ခုန်သံတွေက
နှလုံးသားကို   နာကျင်ခံစားစေခဲ့ပြီ....
လောကရဲ့အနွေးထွေးဆုံးသောအချစ်ဆိုတာကလည်း
ငါ့အတွက်တော့အေးစက်ဆဲ  
ခါးသက်သက်နဲ့မျိုသိပ်နေရတာ
စနစ်တကျတီထွင်ဖန်တီးယူလို့မရတဲ့
ဒီအချစ်ဆိုတဲ့စိတ်ခံစားမှုတွေကို  
မျိုသိပ်ရင်းနဲ့မျှော်လင့်နေရတာက
တှုန်လူပ်ချောက်ချားစရာ   အိပ်မက်ဆိုးတွေကြားထဲ
ရှင်သန်နေရသလို   စိုးရွံ့စိတ်နဲ့      
အမြဲလိုပဲသိမ်ငယ်နေရတယ်
နေ့ရက်တွေသာလည်နေပေမယ့်
အခန်းကျဉ်းရဲ့အမှောင်တွေထဲမှာ
နောက်ဆုံးငါ့အတ္တနဲ့ငါသာကျန်နေခဲ့ပြီ......။

                                                                နက်ရှိုင်း(နန်းဇလိန်)

တန်ဘိုးမဲ့ချစ်ခြင်းတစ်ခုရဲ့ ရှိုက်သံ

စောင့်မျှော်ရတာ   မောပန်းပေမယ့်
ငါစောင့်နေခဲ့ပါတယ်.............
မသေချာမရေရာတဲ့
မျှော်လင့်ချက်တစ်ခုအတွက်ပေါ့
နှလုံးသားရဲ့အတိမ်အနက်   ခံစားချက်တွေက
ငါ့အတွက်တော့   အိပ်မက်တစ်ခုမဟုတ်ခဲ့သလို
စိတ်ကူးယဉ်သက်သက်လည်း   မဟုတ်ခဲ့ဘူး
ငါတမ်းတမက်မောခဲ့တဲ့အရာတွေနဲ့
ငါ့နှလုံးသားရဲ့   လိုအပ်ချက်တွေကို
ဘယ်သူမှနားလည်    မပေးနိူင်ခဲ့တော့
ငါ့ရင်ထဲကချစ်ခြင်းမေတ္တာတွေမှာ
လေးနက်မှုရှိမရှိ   ဘယ်သူသိမှာလဲ
ပျော်ရွှင်ခြင်းတွေက
တိမ်တိုက်တွေလိုပဲလွင့်ပါးသွားကြတော့
မနက်ဖြန်ဆိုတဲ့အချိန်ကလည်း 
ငါတို့ကသူစိမ်းတွေလိုပါပဲ,
အသိစိတ်ကထိန်းချုပ်နေပေမယ့်
မသိစိတ်ကသတိရနေလေတော့
အပြင်ဘက်ကနေမမြင်ရတဲ့
ခံစားချက်တွေရဲ့   နာကျင်မှုကို
ဘယ်သူသိနိူင်မှာလဲ.......
မျှော်လင့်ချက်တွေကလည်း   တဖြည်းဖြည်းနဲ့
လုံးပါးပါးသွားခဲ့ပြီ..........။

                                       နက်ရှိုင်း(နန်းဇလိန်)

ဒသနလေးတွေပါ....

၁.သွားနေရင်ရောက်မှာဖြစ်သလို သွားချင်တဲ့စိတ်ကိုက တ၀က်ရောက်နှင့်နေပီ။

၂. ယောင်္ကျားတွေက မိန်းမတွေထက် ဘာသာရေးခွဲခြားတပ်တယ်။

၃.မျှော်လင့်ချက်မရှိပဲ အလုပ်လုပ်နေတဲ့ဘ၀ဟာ ဘာမတန်ဘိုးမရှိဘူး။

၎.ပန်းတိုင်မရောက်သရွေ့တော့ သွားနေရမှာပဲ တခုအရေးကြီးတာက လမ်းခုလပ်မှာမရပ်ဖို့ပဲ။

၅.သူဌေးဖြစ်ချင်တဲ့စိတ်ကိုက သူဌေးဖြစ်ဖို့ တ၀က်သေချာနေပီ။

၆.ဘယ်လောက်ကောင်းတဲ့ ပစ္စည်းဖြစ်ဖြစ် ကိုယ့်အတွက်အသုံးဝင်မ တန်ဘိုးရှိတယ်။ 

ပြန်တွေးကြည့်ပေးပါ

အကြင်နာကိုမြတ်နိုးသူ   တစ်ယောက်အနေနှင့်
ပြန်တွေးကြည့်ပေးပါ.......
ရင်ထဲပြည့်နက်နေတဲ့အချစ်တွေနဲ့
မြတ်နိုးရတဲ့   မင်းရဲ့အပြုံးတွေကို
တမ်းတမက်မောခဲ့တဲ့   နှလုံးသားတစ်ခုရဲ့
ဆန္ဒတွေကိုမင်း    တွေ့ရှိပါလိမ့်မယ်..........၊

နူးညံ့သိမ်မွေ့တဲ့နှလုံးသားထဲက
စာနာတတ်သူတစ်ယောက်အနေနှင့်
ပြန်တွေးကြည့်ပေးပါ..........
မဟူရာညရဲ့   အိပ်မက်ဆိုးတွေထဲက
ရုန်းမထွက်နိူင်ခဲ့သူတစ်ယောက်က
နတ်ပန်းချီရှုံးမယ့်   မင်းရဲ့အပြုံးတွေကို
အာရုံထဲမှာအဖော်ပြု   ရှင်သန်နေတယ်ဆိုတာ
မင်းမြင်တွေ့နိူင်ပါလိမ့်မယ်..........၊

နောက်ဆုံးအနေနဲ့ဖြစ်ဖြစ်   တစ်ချက်လောက်တော့
နှလုံးသားနှင့်   ပြန်တွေးကြည့်ပေးပါ..........
အရှုံးများစွာကို   ရရှိပိုင်ဆိုင်ထားတဲ့
နာကျင်ကြေကွဲ   နှလုံးသားရဲ့
အနက်ရှိုင်းဆုံး   တစ်နေရာမှာ
ဘ၀တစ်ခုလုံးပုံပြီးတော့   မင်းကိုချစ်တဲ့အချစ်တွေ
ရှင်သန်နေဆဲဆိုတာကို   မင်းတွေ့ရှိသွားခဲ့ရင်...
အချစ်ဆိုတာ   ဘ၀ရဲ့အစိတ်အပိုင်းတစ်ခုဆိုပေမယ့်
ရှင်သန်ခြင်းရဲ့မျှော်လင့်ချက်   ဘ၀နဲ့ထပ်တူ
မရှိမဖြစ်လိုအပ်တဲ့   နှလုံးသားရဲ့အတောင့်တဆုံးသော
လိုအင်ဆန္ဒဆိုတာ   မင်းနားလည်လက်ခံနိူင်မှာပါ..........။

                                                                                    နက်ရှိုင်း(နန်ဇလိန်)၊၃၁.၈.၁၁၊နံနက်၅း၅၀။

ပြန်လည်တမ်းတခြင်း

စွဲလမ်းခြင်းတွေက   တစ်စတစ်စကြီးမားလာသည့်တိုင်
                               ပိုင်ရှင်မဲ့ခံစားချက်တွေက   မသေချာမရေရာတဲ့
                               အရာတစ်ခုကို   တမ်းတမျှော်လင့်ရင်း
                               မှုန်ဝါးဝါးအနာဂတ်ဆီကို   ဒဏ်ရာတွေများစွာကို
                               ငါထမ်းပိုးရင်း   ငါလျှောက်လှမ်းလာခဲ့ပြီ..........၊

တစ်ချိန်က   တန်ဘိုးထားရကောင်းမှန်းငါမသိခဲ့တဲ့
                              ချစ်ခြင်းမေတ္တာတွေကို   ဒီအချိန်မှာ
                              ငါတမ်းတစွာ   ပြန်လိုချင်ခဲ့ပေမယ့်
                              ဘ၀ရဲ့ကန့်သတ်ချက်တွေကြား   စည်းခြားမထားသည့်တိုင်
                              ရရှိပိုင်ဆိုင်ဖို့   ခက်ခဲနေလေတော့
                              ဟိုး...အဝေးမိုးမြင့်ဆီက   ငွေလမင်းကိုငေးကြည့်ရင်း
                              ငါ့ကိုငါ   နာကြည်းမုန်းတီးနေမိတယ်..........၊

တန်ပြန်သက်ရောက်မှုမရှိတဲ့   ခံစားချက်တွေက
                             ဘာသာမဲ့ရူးသွပ်ခြင်းတွေနဲ့   အက်စစ်ဝိုင်ပျစ်ပျစ်လို
                             ငါ့နှလုံးသားကို   တဖြည်းဖြည်းခြင်းတိုက်စားနေလေတော့
                             နာကျင်စွာငါခံစားရင်း   အတိတ်ရဲ့ပုံရိပ်တွေကို
                             မေ့ဖျောက်ပစ်ဖို့   ငါကြိုးစားခဲ့ပေမယ့်
                             အတိတ်ရဲ့လောင်းရိပ်အောက်က   ယနေ့ထက်ထိ
                             ရုန်းမထွက်နိူင်ခဲ့ဘူး.........တကယ်ဆိုရင်
                             ငါ့အတွက်တော့   အချစ်ဆိုတာ
                             ခါးသက်သက်နေ့ရက်တွေကြားက     စိတ်ကူးချိုချို
                             အတွေးပုံရိပ်တစ်ခုလိုပါပဲ   ပိုင်ဆိုင်ခွင့်ဆိုတာလည်း
                             မှုန်ဝါးဝါးနဲ့မသေချာမရေရာတဲ့   မျှော်လင့်ချက်တစ်ခုလိုပဲပေါ့..........။

                                                                                                         နက်ရှိုင်း(နန်းဇလိန်)

"မိန်းမမြတ်"

ချစ်ခြင်းမေတ္တာ   ရင်ဝယ်ပြည့်လို့
ကရုဏာစိတ်ထား   ဖြူစင်ခြင်းနှင့်
စာနာသနား   ကြင်နာခြင်းတို့
မြစ်ဖျားခံရာ   လူ့ပြည်လူ့ရွာ
လူ့သမိုင်းမှာ   ကမ္ဗည်းတွင်သည့်
မြတ်သောစိတ်ထား   မေတ္တာရှင်သည်
အားအင်နွဲ့နှောင်း   ကာယခွန်အား
ချို့တည့်သော်ငှါး   မကြောက်မရွံ့
မစိုးမရိမ်   မညည်းတွားပဲ
ရင်ဆိုင်ကျော်လွှား   လောကဓံတရား.....
စောင့်ထိန်းသီလ   မဖောက်မပြား
ကျစ်လစ်ဆင်ခြင်   နေထိုင်ခြင်းက
မြတ်သောစိတ်ထား သိမ်မွေ့ခြင်းနှင့်
မြတ်သောသစ္စာ   တည်မြဲခြင်းတို့
ပြီးပြည့်စုံကြောင်း ဖော်ကျူးလေ၏.....၊
ဘယ်အရာမျှ   တုနှိုင်းမမှီ
ချစ်သား(သ္မီး)တို့၏   ချစ်မေတ္တာရှင်
မွေးမိခင်အား   မိန်းမမြတ်ဟု
မခေါ်ဆိုလျှင်   လူ့ပြည်လူ့ရွှာ
လူ့လောကတွင်   အဘယ်သူသည်
ပုဂ္ဂိုလ်မြတ်ဟု ခေါ်ဆိုအံ့နည်း..........။

                                                        နက်ရှိုင်း(နန်ဇလိန်)၂၃၊၈၊၁၁၊နံနက်၎း၃၀

သူငယ်ချင်း...ဆိုတာ........

ဘ၀ရဲ့ အလှည့်အပြောင်းတစ်ခုမှာ
ခဏလေးပဲဖြစ်ဖြစ် တွေ့ဆုံခင်မင်ခဲ့ရတဲ့
အဖြူစင်ဆုံးနဲ့အရိုးသားဆုံး သူငယ်ချင်းဆိုတာ...
ထာဝရအမှတ်ရစရာ အမှတ်တရစိတ်ခံစားမှုတစ်ခုပေါ့၊

တွေ့ဆုံကြုံခွဲ လောကရဲ့ဓမ္မတာတရားတွေမှာ
စီးမျောရင်း တွေ့ဆုံခင်မင်ခဲ့ရတဲ့ သူငယ်ချင်းများစွာကို
သမုဒယငြိတွယ်စရာ အနက်ရှိုင်းဆုံး
တို့တတွေရဲ့ နှလုံးသားထဲမှာ အမြဲလိုမဟုတ်တောင်
တစ်ခါတစ်လေ တိုက်ဆိုင်မှုလေးတွေရှိတိုင်း
တမ်းတသတိရနေကြမယ်ဆိုတာ...
လူတိုင်းလက်ခံနိူင်လိမ့်မယ်ထင်ပါရဲ့၊

အပြောင်းလဲများတဲ့ လူ့လောကမှာ
ရပ်ဝေးနယ်ခြား ဝေးနေငှါးလည်း
တစ်ချိန်ကခင်မင်ခဲ့ရတဲ့ သူငယ်ချင်းများစွာကို
သတိရကြောင်း ခင်နေကြောင်းကို
တို့သိစေချင်..........၊

ဘာတွေဘယ်လိုပဲ ပြောင်းလဲပါစေ
အနိူင်ယူလိုစိတ်နဲ့ မနာလိုအငြိုးအတီးမရှိတဲ့
အဖြူစင်ဆုံးရိုးသားခဲ့တဲ့ သူငယ်ချင်းဆိုတာ...
ခင်မင်မှုများမွေးဖွားရာ
ကြည်နူးစရာချစ်ခြင်းမေတ္တာတွေများစွာရဲ့ စုဝေးရာ
ပြောင်းလဲခြင်းမရှိတဲ့ သံယောဇဉ်တွေနဲ့
ပြည့်နက်နေတဲ့ နှလုံးသားပြတိုက်တစ်ခုပေါ့၊

ထာဝရဝေးကွာသွားမဲ့ ဘ၀ရဲ့အဆုံးသတ်ချိန်ထိ
အတူတူရှိနေကြဖို့ဆိုတာ မဖြစ်နိူင်ပေမယ့်
ခင်မင်မှုများမေ့မသွား တို့တတွေရဲ့ရင်ထဲမှာ
ထာဝရ ရဲ့ ထာဝရ ကိန်းအောင်းနေမယ်ဆိုတာ
ဖြူစင်၊ရိုးသားမှုတွေရဲ့ စတင်ဖြစ်တည်ရာ
"သူငယ်ချင်း"ဆိုတဲ့ စကားလုံးရဲ့
ပြည့်စုံခြင်း သက်သေပေါ့...။

                                          နက်ရှိုင်း(နန်းဇလိန်)၊၂၀.၈.၁၁၊နံနက်၎း၃၀